A FORMACIÓN

ilustracionformacionDurante a I Edición de Youtubeir@s – Concurso de vídeos na Rede, o programa Youtubeir@s ofreceu formación específica de videocreación impartida pola produtora creativa Illa Bufarda a entidades públicas (concellos, centros educativos, museos, etc.). Un total de 66 horas formativas en diferentes lugares de Galicia.

Esta oferta formativa estivo dispoñible en dúas modalidades:

MODALIDADE 1 – YOUTUBEIR@ PRÁCTICA

Cada participante tiña o reto de crear un vídeo para calquera das dúas categorías de Youtubeir@s – Concurso de vídeos na Rede: vídeo-facermos ou unha vídeo-opinarmos en galego durante o obradoiro.

Na primeira sesión formativa, dunha hora de duración, vimos os consellos básicos para sacarlle o maior partido á cámara dos nosos dispositivos móbiles e aprendimos a mellor forma de transmitir os nosos coñecementos (guión). Na segunda sesión formativa, de dúas horas de duración, editamos o material e aprendimos a subilo a YouTube. Entre ámbolos dous encontros formativos ofrecimos asistencia en liña para calquera dúbida que puidera xurdir ata antes da segunda sesión formativa.

MODALIDADE 2 – YOUTUBEIR@ TEÓRICA

Nunha sesión formativa, de tres horas de duración, fomentamos a creatividade audiovisual para a transmisión de saberes e opinións. Coñecimos os conceptos da linguaxe audiovisual e consellos básicos para sacarlle o maior partido ós nosos dispositivos móbiles (cámara, iluminación, son, encadre e aplicacións de edición).

Máis información sobre a formación do proxecto Youtubeir@s en formacion@youtubeiras.gal

 

youtubea-05facebookb-04correoa-02