O PROXECTO

 

 

Youtubeir@s xorde para fomentar e visibilizar o uso do galego a través dunha das redes sociais máis influentes do momento, Youtube. Nesta era dixital @s youtubeir@s viñemos para quedarmos e pisarmos forte apropiándonos dos temas que máis nos identifican e compartindo un sen fin de creatividade, diversidade e sabedoría.

Cada vez son máis os formatos audiovisuais no mundo dixital, xa perdemos a conta, isto é un non parar! Queremos encher a Rede de canles, de vídeo-opinarmos, vídeo-facermos e este ano tamén… (que soe un redobre de tambor!) vídeo-cantarmos. Tremenda novidade!

Vídeos sobre que opinas da fin do petróleo, vídeotitoriais con técnicas para escorrentar o aburrimento durante os exames, vídeos musicais que sexan éxitos do verán e que se viralizan ata ben entrado o inverno... Comparte as túas habilidades, criterios e sabedoría na Rede onde millóns de persoas descobren, aprenden, ven e comparten máis e máis contidos. Toda unha comunidade virtual que ferve dende que comezou este proxecto! Xa tes @s teus youtubeir@s estrela? Subscríbete ás súas canles, comenta os seus vídeos e proponlles colaboracións.

Ademais dos premios, Youtubeir@s inclúe actividades de visibilización d@s creador@s, formacións específicas, dinamización e xeración de contidos nas redes sociais e a sinerxia con festivais e con outros proxectos culturais galegos.

Youtubeir@s é unha iniciativa organizada polos servizos de normalización lingüística dos concellos da Baña, Ames, Carballo, Cedeira, Coruña, Moaña, O Grove, Ourense, Pontevedra, Ribadeo, Rianxo, Santiago de Compostela e Teo, da Deputación da Coruña e das universidades da Coruña, Santiago de Compostela e Vigo.

 

Uso de cookies

Como todos os sitios de internet este sitio web utiliza cookies para que vostede teña a mellor experiencia navegando. Se continúa navegando está a dar o seu consentimiento para a aceptación das mencionadas cookies e a aceptación da nosa política de cookies, faga clic na ligazón para máis información.plugin cookies

ACEPTAR
Aviso de cookies