O pasado sábado 7 de febreiro o Teatro Jofre de Ferrol acolleu a gala de entrega de premios Youtubeiras+ coa gravación ao vivo do capítulo 1 do Podcast Youtubeiras+ da man de Leila Fernández (O faiado podcast) e Carlos Vieito (Exército Mekemeke). Ademais contou co acompañamento musical de Russ e interpretación en lingua de signos. No discorrer do pódcast deuse a coñecer o fallo do xurado, que decidiu seis dos sete galardóns, así como tamén o Premio do Público, que determinou unha votación dixital na que participaron 2326 persoas.
O palmarés deste ano é:
- Premio Revelación | O búnker debuxos
- Premio Rede | ChutenMeme
- Premio á Calidade Lingüística | @patriiotero
- Premio do Público | “Cada historia, unha vida” – 25N no CEIP de Tarrío de Xurxo Varela
- Premio ao Mellor Pódcast | Fóra de mapa Podcast
- Premio á Mellor Canle | Rodri Míguez
- Premio á Creación de Contidos | Konachadas
Directo en redes previo á gala. 
Asistentes á gala. 
Participación na quiniela de canles gañadoras. 
Participación na quiniela de canles gañadoras. 
Represententares das institucións asistentes á gala Youtubeiras+. 
Representantes das entidades organizadoras. 
Representantes das entidades organizadoras. 
Comeza a gala. 
Gala Youtubeiras+ 2025. 
Carlos Vieito e Leila Fernández. 
Sara Pino, coordinadora de Youtubeiras+, na presentación da gala. 
Sol Agra, deputada provincial, na presentación da gala. 
José Manuel Rey, alcalde de Ferrol, na presentación da gala. 
O búnker debuxos recibindo o premio Revelación. 
Patri Otero recibindo o premio á Calidade Lingüística. 
Chutenmeme recibindo o premio Rede. 
Carlos Vieito e Leila Fernández entrevistan a María Rúa. 
Xurxo Varela recibindo o premio do Público. 
Fóra de Mapa recibindo o premio Pódcast. 
Rodri Míguez recibindo o premio á Mellor Canle. 
Carlos Vieito e Leila Fernández entrevistando a David Ramos, Leti do Chinto e David Gesteira (Descifrando a historia). 
Gala Youtubeiras+ 2025. 
Nuria Grandío (Konachadas) recibindo o premio á Creación de Contidos da man de José Manuel Rey Varela, alcalde de Ferrol e Sol Agra Tuñas, deputada provincial. 
Gala Youtubeiras+ 2025. 
Leila Fernández fai entrega dos premios ás gañadoras da quiniela, Sara Seco e Leti da Taberna. 
Gañadories dos premios Youtubeiras+ 2025. 
Leila Fernández e Carlos Vieito. 
Gabri Fuentes e Marta Gilino (Russ).
Os galardóns contan cunha dotación económica total de 7500 euros, repartidos da seguinte maneira: as categorías Canle e Creación de Contidos están dotados con 1250 euros, mentres que no resto de categorías as canles persoas premiadas levan 1000 euros.
O xurado, conformado por Carlos Pereiro, Jon Amil, María Rúa, Mónica Fernández e Uxío Broullón, xustificou na acta a súa decisión nos seguinte termos:
O Premio Revelación foi para O Búnker Debuxos, canle da que o xurado destacou “por sorprender e abraiar a través da animación orixinal e artesanal, dándolle unha nova vida e unha volta a memes de noso”. Patri Otero recibiu o premio na categoría de Calidade lingüística por “utilizar e fomentar o bo uso da lingua galega, así como a súa normalización dun xeito exemplar”.
Chutenmeme acadou o premio na categoría Rede por “conseguir a través do humor xerar novos lazos virtuais” e por “facer medrar a comunidade dixital galega”. Fóra de mapa conseguiu o premio Pódcast por “usar as súas voces para crear un conxunto de pezas sonoras en forma de xanela coa que achegarmos a culturas, minorías e linguas, cunha edición coidada e profesional”. O xurado ademais validou o voto emitido pola comunidade, que decidiu entregarlle o Premio do Público ao vídeo “Cada historia, unha vida” do CEIP Tarrío, de Xurxo Varela.
Rodri Míguez recibe o premio na categoría de Canle “polo seu labor xornalístico, a súa traxectoria e a promoción da música en galego de xeito altruísta”. Nuria Grandío acada o premio na categoría de Creación de Contidos por Konachadas “pola calidade visual, a súa imaxinación e a súa capacidade en converter calquera temática nunha mensaxe reflexiva, divertida e reivindicativa apta para todos os públicos”.
Finalmente, o xurado destacou en termos xerais a dificultade para a toma de decisión por mor da cantidade e calidade das canles presentadas, xa que nesta edición aspiraron aos Premios Youtubeiras+ 126 canles, sumando contidos en galego ás diversas plataformas e espallando a nosa lingua nas diferentes temáticas.
Parabéns a todes!