IV Edición | 2020 – Youtubeiras+

A situación sanitaria da COVID-19 e o confinamento das persoas marca a cuarta edición de Youtubeir@s, que se centrou na parte máis virtual do proxecto co propósito de canalizar a vitalidade creativa das posibles persoas receptoras, ampliando as temáticas e referentes do YouTube en galego, tal como se marcou co lema: “A expandir a rede”.

Neste ano, rexistrouse a máxima participación de vídeos ao certame até agora, duplicando case a da edición pasada e alcanzando un total de 536 vídeos presentados de 113 persoas creadoras. Tamén houbo un maior participación no voto do público, sendo 5.615 persoas as que participaron deste proceso. Brais Romero, Mabel Montes, Matías Tarrío, Rosa Moreiras e Xoana avaliaron as canles e vídeos presentados, como membros do xurado, para outorgar os 12 premios desta edición.

A gala de entrega de premios foi substituída pola emisión dunha serie de entrevistas con finalistas e gañadoras conducidas por Lucía Aldao e María Lado.

Esta edición estivo organizada polos servizos de normalización lingüística dos concellos de Ames, A Baña, Moaña, O Grove, Ourense, Pontevedra, Rianxo, Ribadeo, Santiago de Compostela e Teo, a Deputación da Coruña e as universidades da Coruña, Santiago de Compostela e Vigo.

PALMARÉS PREMIOS YOUTUBEIR@S 2020

Premio Youtubeir@: Olaxonmario
Premio Canle: Pradorua
Premio Vídeo: Aarón Vilariño por “O cabalo de Alberte Merlo”
Premio Impacto: Aquel-e por “Xogando con ANA PONTÓN aos Sims”
Premio Calidade Lingüística: Cativos na Cociña por “As patacas do paraíso”
Premio Calidade Técnica: Antón Varela por “Os Vinte do XX”
Premio Comunicación: Un Rapá Transquilo
Premio Creatividade: O Son das Ideas
Premio Musical: FØ Records por “Lume (feat. Camel Blando)”
Premio Didáctico: Naturiza
Premio Pioneiro: Cousas RarismASMR
Premio do Público: Pablo Rodríguez Vila por “APPS para DOCENTES de PRIMARIA/SECUNDARIA”