Youtubeir@s! Abride ben as orellas! Aquí vos deixamos algunhas páxinas para descargar música e efectos sonoros para enriquecer os vosos vídeos de Youtube. Se cando alguén chisca un ollo soa unha campaíña o resultado é moito máis sexy, non credes?
Bromas a un lado, probade a editar con multitude de recursos sonoros: os efectos realzan as accións que queirades destacar e a música aporta emoción ás persoas que vos seguen.
- FREESOUND. Unha grande comunidade de persoas enchen de recursos sonoros esta web. Só tes que facer a túa conta (que é de balde) e xa podes descargar milleiros de arquivos de son. Atent@s aos usos que permite cada usuari@. Dentro das licenzas libres temos varios grados de permisibidade que temos que atender e respectar. Na maioría dos casos o uso comercial está restrinxido nestes recursos. Uf! Aquí xa nos metemos en temas de licenzas, e isto imos deixalo para outro día!
- BANCO DE IMAXES E SONS DO MINISTERIO DE EDUCACIÓN. Esta web ten moitos son e recursos tamén! Bota man deles! Non fai falta rexistrarse. Anotación: buscar nesta web é como ir á feira, tes que remexer bastante porque ás veces atopas cousas con moito ruído ou mal gravadas.
- FREEPD. Aquí atoparás música para empregar nas túas creacións para Youtube, están dividias por temas (terror, romaticas, comedia…) e danlle un engado importante as creacións audiovisuais.
- BIBLIOTECA SONORA DE YOUTUBE. Youtube conta tamén cun arquivos de músicas e sons listos para incluír nas túas creacións. Podes descargar os arquivos ou engadilos directamente dende Editor de Youtube en liña.
- ARQUIVO DO PATRIMONIO ORAL DA IDENTIDADE. Este arquivo é moi especial, conta con material musical do noso partrimonio que non atoparás noutras páxinas máis xeralistas. Escoita, pode que casen ben cos teus vídeos!
Está é unha pequena relación de recursos variados que ofrece a Rede, pero quedan moitísimos máis por nomear. Se sabedes dalgún máis poñede a ligazón! Que sexa proveitoso para os vosos oídos youtubeir@s!
* Texto creado en 2020