Que lle presta a Inaciu Galán na vida?
Préstenme munches coses: el mundu del audiovisual, el periodismu, la lliteratura, l’activismu, l’enseñu… Si hai dalgo que xune a tolo que faigo ye’l compromisu col asturianu, la idea de facer serviciu al presente y al futuru del idioma en cada cosa que faigo, yá seya dende lo profesional, lo académico, l’activismu o lo puramente personal.
Que é Play Presta e por que se crea?
PlayPresta ye una plataforma audiovisual que creemos en 2017 dende Cuatro Gotes Producciones, mui pocos meses dempués de fundanos como empresa. La idea yera llegar a tiempu a la nacencia de medios audiovisuales nuevos que taben xurdiendo naquel momentu. Ye una plataforma de youtubers, anque nun ye en YouTube onde tenemos la nuesa comunidá más amplia, onde tamién fiximos pequeñes series de ficción y otros formatos, incluyendo podcasts nos meses caberos.
La idea yera facer un espaciu nel que crear audiovisual n’asturianu empobináu a la xente mozo, daqué que-y facía y sigue faciéndo-y muncha falta a la llingua asturiana. Nestos años consiguimos convertilu nun referente n’Asturies y nun espaciu diferente pa la presencia del idioma.
Que referentes había pola Rede que vos enchían o ollo?
Al entamar col proyectu prestábanos muncho PlayGrounds y al empar que nós ñacieron otros proyectos como Playz de TVE, pero evidentemente les diferencies de presupuestu son de llocos… asina que nós facemos por tener referentes de calidá y aportar hasta onde somos quien col presupuestu que remanamos. El premiu Youtubeiras foi pa nós tamién un modelu, anque pensamos en crear nós comunidá, porque equí nun había prácticamente nada. Entós fiximos comunidá, un poco pa que se vieren los exemplos, y dempués convoquemos el concursu ¡Yes youtuber!, que ye asemeyáu nes sos característiques.
Que ten de particular Play Presta?
La peculiar situación de la llingua asturiana, entá ensin oficialidá, fai que teamos nuna situación mui feble, na que ye complicao sacar alantre cualesquier iniciativa. Ye por ello que nun me presta comparanos con otres plataformes, porque hai coses que son imposible de comparar.
Como se foi creando a comunidade arredor do asturiano no Youtube?
La comunidá pues al entamu xeneróse llamando a les persones que sabíemos que teníen pa talentu pa ello y proponiéndo-yos facer espacios na canal. Dempués fueron llegando propuestes que nos facíen a nós, y eso ye lo guapo, que sirvió p’animar a muncha xente a facer audiovisual n’asturianu nes redes. Y creo qu’acertemos na idea de crear un espaciu común, porque pa les llingües minorizaes ye difícil abrise güecu nes redes, y xuntos y xuntes tenemos más pesu.
Que diagnóstico clínico lle farías ao asturiano?
L’asturianu gocia d’una mala salú de fierro que-y permite siguir alantre, non ensin dificultaes. La situación ente les xeneraciones más moces, sobre manera nes zones urbanes, mete mieu. Ye la consencuencia de que llevamos cuarenta años d’autonomía ensin oficialidá. Pero la perspectiva ye mui bona, toi seguru qu’esti añu va aprobase la reforma estatutaria cola oficialidá n’Asturies, y eso da muncha esperanza nes posibilidaes de cambiu. Ello nun quita pa ser conscientes de que namás cola oficialidá nun val, vamos tener que diseñar y trabayar estratexes correctes y facelo mui bien pa reenganchar a les xeneraciones moces al asturianu.
De que estamos a falar se dicimos: Yes, Youtuber!
Pues ye un concursu organizáu por PlayPresta y Cuatro Gotes Producciones col que facemos por buscar talentos nuevos ente la xente mozo y adulto pa la plataforma. Hai delles categoríes, unes dende l’ámbitu escolar, otres pa la mocedá yá más mayorino… La idea ye afalar la creación audiovisual n’asturianu. Los premios yeren pequeñinos, pero tamién suponíen incorporase a la canal y facer espacios profesionales. Y furruló perbién. Llegaron munchos videos y esperamos repetir la esperiencia. Ente les persones que salieron del concursu tán Alma de lloca o la gallega neofalante d’asturianu Eva Cameán, que faen espacios bien prestosos.
E que che presta máis de Yes, Youtuber! ?
Prestóme muncho que nes categoríes escolares el profesoráu de Llingua Asturiana implicóse abondo, unviando munchos videos y de bona calidá. Pásanos igual cola plataforma en xeneral, cónstame que s’usa muncho nes aules. Equí tenemos una televisión autonómica con porcentaxes mui baxos d’usu del asturianu y faen falta audiovisuales pa trabayar nel aula, y que presten al alumnáu. Paez qu’esi oxetivu ta cumpliéndose.
Que proxectos ou ideas arredor da lingua tes en mente agora?
Unu de los proyectos que más me prestaría, y pal que yá fiximos dellos intentos, ye poder tener conteníos de PlayPresta doblaos o grabaos de nuevos n’otres llingües, texer una rede de plataformes y poder compartir conteníos, yá seya compartiendo programes y traduciéndolos, o compartiendo formatos, idees, recursos… Podríemos tar faciendo munches más coses xuntos, especialmente ente les llingües romániques peninsulares.
De cara ao futuro, a onde quere viaxar Inaciu con Play Presta?
La plataforma sigue buscando fórmules económiques pa medrar, buscando patrocinadores que mos permitarn dar más pasos alantre. Y mientres, tratando de caltener la calidá, apurriendo conteníos nuevos que vaigan anovándola y faciendo que teamos colos gustos de la xente mozo, pa ser a llegar a ellos.