Se foses unha rede. Cal serías?
Unha mestura de todas as existentes, universal e plenamente accesible, interxeracional, cento por cen participativa e por suposto, na que o galego fose a lingua vehicular principal.
Últimos descubrimentos do Youtube en galego cos que obsesionarse?
As miñas últimas tres descubertas, a canle “Carlos G. Freire”,
a canle “O Planeta de Hoxe en Día Noticias” e a canle “Pi” ás que, xunto coas máis de 500 canles restantes que actualmente teño en seguimento, convido a se asociar na ACODG para continuar tecendo rede.
Tres cousas que ten que ter unha canle para subscribirte e darlle á campaíña.
Para subscribirse con que estea en galego, case que é suficiente, mais para que prema a campaíña ten que subir contido de calquera tema de xeito regular, e moi importante é que ese contido sexa en positivo.
En que ides gastar o premio?
Nalgún medio técnico para continuar a xerar contido, en cotas para a Asociación Cultural Obradoiro Dixital Galego, nunha paparota para todas as persoas que colaboran coa Lobeira today ou que me están sempre dando azos e en pagar os impostos do premio, se é que os ten.
Describe a comunidade do Youtube en galego en tres palabras:
Diversa, emerxente e creativa.